Зэвсэгт хүчний нөхөн хангалт, захиалга, тухайн жилд цэргийн жинхэнэ албанд татах иргэдийн тоо, татлага явуулах ээлж, хугацааг тогтоох тухай Монгол Улсын Засгийн газрын тогтоол гардаг. Үүний дагуу Баянзүрх дүүргийн Засаг даргын Тамгын газрын Цэрэг татлагын товчоо 2016 оны нэгдүгээр ээлжийн цэрэг татлагыг энэ сарын 6-8-ны өдрүүдэд амжилттай зохион байгууллаа. Цэргийн албанд татах, цэргийн дүйцүүлэх албанд элсүүлэх, гэрээт цэргийн албанд элсүүлэх, мөнгөн төлбөрийн хэлбэрээр орлуулан хаах зэрэг олон ажлыг нэг дор цогцоор хүргэн ажилсан аж. Цэрэг татлагын үеэрБатлан хамгаалахын сайд Ц.Цолмон иржажлын явцтай танилцсан байна. Цэрэгт явах хүсэлтэй залуусын тоо нэмэгдэж, өвчлөл өмнөх жилүүдтэй харьцуулахад буурсан хэмээн холбогдох албаныхан хэллээ. Дүүргийн цэргийн штаб Зэвсэгт хүчин болон Хилийн цэргийг хугацаат цэргийн албан хаагчаар нөхөн хангахаар Нийслэлийн Засаг даргаас өгөгдсөн тоон даалгаврыг 100 хувь биелүүлж ажилсан байна.
