Нийслэлийн Захирагчийн Ажлын алба,
Дэлхийн Үсчин, гоо засалчдын холбоо /ОМС/-ны гишүүн Монголын үсчин гоо
засалчдын мэргэжлийн холбоо, Монголын үсчин, гоо засалчдын холбоо
хамтран Үсчний урлаг, Гоо засалч, Хумсны дизайн урлалын Нийслэлийн
аварга шалгаруулах “УЛААНБААТАР 2013” нээлттэй тэмцээнийг 2013 оны 06-р
сарын 04-ны өдрийн 09:00 цагт “Монгол бөхийн өргөө”-нд зохион байгуулах
гэж байна. Энэ тэмцээн нь Ази, тив дэлхийн үсчин, гоо засалч, хумс засалчид үсчний
шинэ загварын тайралт, самналт, сонгомол хэлбэржүүлэлт, сахал заслын
урлал, бие болон нүүрэн дээр зурах технологи, хумс урлал, үйлчилгээний
технологиос харилцан суралцаж тухайн оны үс болон гоо сайхны чиг
хандлага, өвөрмөц урсгалуудыг Монголын үсчин, гоо сайхны үйлчилгээнд
нэвтрүүлэхэд орших юм.
Нийслэлийн аварга шалгаруулах тэмцээн нь бүхэлдээ уран сэтгэмжийн үйл ажиллагаа бөгөөд өөрсдийн туршлага, чадвар, гялалзсан авъяасаа гаргах, юу чаддагаа харуулах гайхалтай боломжийг Улаанбаатар хотын үсчин, гоо сайханчдад олгогдохоос гадна, шинэ дэвшилт технологи, шоу наадмыг үзэх боломжтой. Үсчин, гоо засалч, хумс засалчдын тэмцээн нь техникийн болон моодны гарцаарчилсан төрлүүд, моод загварыг бүхэлд нь хөдөлгөгч Дэлхийн холбооны шинэ философитой бүрэн тохирч шинэлэг цар хүрээнд зохион байгуулагдах юм.
“Улаанбаатар -2013”нээлттэй энэхүү тэмцээнд нийслэл, орон нутгийн болон гадаадын үсчин гоо засалч, хумс засалчид оролцохоос гандна мэргэжлийн сургууль, сургалтын багш, суралцагчид оролцох бүрэн боломжтой.
БҮРТГЭЛ:2013.05.25-2013.05.28-ны өдрийн 10:00-20:00 цагийн хооронд МҮГЗХолбооны байранд бүртгэнэ.
ХАЯГ:- Баруун 4 зам “Нарантуул” зочид буудлын зүүн талын 23-р байрны ард МҮГЗХолбооны байранд
- Бараан 4 дам “Гранд Плаза” баруун урд талд 70-р байрны “WELLA” салонд тус тус мандат олгоно.
ТЕХНИКИЙН ЗӨВЛӨГӨӨНИЙ ХУРАЛ: Зөвхөн мандат авсан оролцогч техникийн зөвлөгөөнд суух эрхтэй. 2013.05.29-ны өдрийн 09:00 цагт болно.
ХОЛБОО БАРИХ УТАС: 99199496, 11328401, 99259829, 91999777,Хан-Уул дүүргийн ЗДТГ-н Худалдаа үйлчилгээний хэлтсийн мэргэжилтэн Б.Нарантуяа 99959011.
Иймд Хан-Уул дүүргийн нутаг дэвсгэрт Үсчин, гоо сайхны чиглэлээр үйлчилгээ эрхэлж байгаа иргэд та бүхнийг тэмцээнд идэвхитэй оролцохыг урьж байна.
"ХУДАЛДАА,ҮЙЛЧИЛГЭЭНИЙ ХЭЛТЭС"