НЭГ. ЗОРИЛГО:
Багшийг хөгжүүлэн чадваржуулах ажлыг системтэйгээр зохион байгуулах тогтолцоог бүрдүүлэн сургалтын чанар үр дүнг дээшлүүлэх, хүүхэд бүрийг эрүүл аюулгүй амьдрах, эрхээ эдлэх боломжоор дүүрэн орчинд сурч хөгжин төрөлх авьяасаа нээн илрүүлж, ЗӨВ монгол хүн болгон хөгжүүлэх технологийг бий болгоход оршино.
ХОЁР. ЗОХИОН БАЙГУУЛАЛТ
- Багийн гишүүд нь Хан-Уул дүүргийн СӨБ болон ЕБС-ийн багш нар, хороодын нийгмийн болон халамжийн ажилтан байх.
- Төрийн бус өмчийн сургууль, цэцэрлэгүүд дангаараа оролцохгүй бөгөөд төрийн өмчийн сургууль, цэцэрлэгүүдтэй хамтран холимог баг бүрдүүлэн оролцож болно.
- Төслийн баг нь 8-10 хүний бүрэлдэхүүнтэй байна.
- Багийн гишүүд мэргэжил нэгтэй байх
- Багийн гишүүн зөвхөн 1 төсөл дээр ажиллана.
ГУРАВ.ТӨСЛИЙН ЧИГЛЭЛ
- Багшийг хөгжүүлэн чадавхижуулах чиглэлээр хөтөлбөр боловсруулах
- Сургалтын хэрэглэгдэхүүний тоо хэмжээ, хүртээмж чанарыг дээшлүүлэх ажлын хүрээнд “Цөм” хөтөлбөрийн шаардлагыг хангахуйц хэрэглэгдэхүүн боловсруулах.
- Судлагдахуун бүрийн нэгж хичээлийн хөтөлбөр боловсруулах
- Хүүхэд нэг бүрийг хөгжүүлэх сургалтын орчинг сайжруулах
- Хүүхэд хамгааллын үйлчилгээг боловсронгуй болгох
ДӨРӨВ. ТӨСӨЛД ТАВИГДАХ ҮНДСЭН ШААРДЛАГА:
- Төрөөс боловсролын талаар баримтлах бодлого /2014-2024 он/, Бага, дунд боловсролын тухай хууль, Зөв монгол хүүхэд үндэсний хөтөлбөр, БСШУ-ны сайдын баталсан сургалтын төлөвлөгөө, сургалтын “Цөм” хөтөлбөр, Хүүхэд хамгааллын хууль болон бусад хууль эрх зүйд нийцсэн чанартай, хэрэгжих бүрэн үндэслэлтэй тооцоо судалгаатай байх
- Төсөл тус бүр дээд тал нь 20 сая төгрөгт багтсан төсөвтэй байна.
ТАВ. ТӨСЛИЙН ШАЛГАРУУЛАЛТ
- Шилдэг 5 багийн төслийг шалгаруулж өргөмжлөл, тус бүр 2 сая төгрөгөөр шагнаж урамшуулна
- Шалгарсан 5 төсөл тус бүрийг 20 сая төгрөгөөр санхүүжүүлж, хэрэгжүүлнэ.
ЗУРГАА: ТӨСЛИЙН ШАЛГУУР ҮЗҮҮЛЭЛТ
- Төслийг хэрэгжүүлэхэд хамрах хүрээ /0-20 оноо/
- Төслийн хэрэгжих боломж, бодит байдал /0-15 оноо/
- Шинэлэг байдал, шинэ санаа /0-20 оноо/
- Тулгамдсан асуудлыг шийдэж байгаа байдал /0-20 оноо/
- Төслийн шаардлагыг хангасан байдал,төслийн ач холбогдол, үр дүн/, Эдийн засаг, санхүүгийн үр ашигтай байдал /0-15 оноо/
- Төслийн формат, найруулга зүй, хавтаслалт, хэвлэлт, төсөл иж бүрэн байх (Судалгаа шинжилгээ, санхүүгийн тооцоо шинжилгээ зэрэг төсөлд байх шаардлагатай бүрдэл хэсгүүдийг бүрэн агуулсан ойлгомжтой тодорхой бүтэцтэй байх) /0-10 хүртэл оноо/
НИЙТ /100 оноо/
ДОЛОО: МЭДҮҮЛЭГ ИРҮҮЛЭХ ХУГАЦАА:
- Оролцох талаарх мэдүүлгээ дараахь хүснэгтийн дагуу 2015 оны 06 дугаар сарын 15-ны дотор chimegkhud@yahoo.com мэйл хаягаар ирүүлнэ үү.
№ Гишүүдийн овог, нэр Мэргэжил Сургууль, цэцэрлэгийн нэр Утасны дугаар, мэйл хаяг 1
НАЙМ: ТӨСӨЛ ИРҮҮЛЭХ ХУГАЦАА:
- Төслийг 2015 оны 05 дугаар сарын 15-наас 08 дугаар сарын 15 хүртэл Хан-Уул дүүргийн Иргэдэд үйлчлэх төв байр 805 тоотод ирүүлнэ.
ЕС: ТӨСӨЛ ШАЛГАРУУЛАХ ХУГАЦАА
- Төслийг 2015 оны 08 дугаар сарын 15-наас 08 дугаар сарын 30-ны дотор зохион байгуулна.
ЗОХИОН БАЙГУУЛАГЧ:Хан-Уул дүүргийн Засаг даргын Тамгын газар
ХАЯГ: Хан-Уул дүүргийн 3-р хороо, Иргэдэд үйлчлэх төв байр 805 тоот
ХОЛБОО БАРИХ УТАС: 342470. 99178554.99036015.93046039.
Вэйб сайт:/ www.hud.edub.edu.mn/, www.khanuul.mn