ЭДИЙН ЗАСГИЙН ТҮНШЛЭЛИЙН ТУХАЙ МОНГОЛ УЛС, ЯПОН УЛС ХООРОНДЫН ХЭЛЭЛЦЭЭРТ ГАРЫН ҮСЭГ ЗУРСАНТАЙ ХОЛБОГДУУЛАН ГАРГАСАН ХАМТАРСАН МЭДЭГДЭЛ

Монгол Улсын Ерөнхий сайд Чимэдийн Сайханбилэг, Япон Улсын Ерөнхий сайд Шинзо Абэ бид, өнөөдөр Токио хотноо хэлэлцээ хийж, 3 жил орчим үргэлжилсэн хэлэлцээний дүнд “Эдийн засгийн түншлэлийн тухай Монгол Улс, Япон Улс хоорондын хэлэлцээр” /цаашид "хэлэлцээр" гэх/-т гарын үсэг зурсанд баяртай байгаагаа илэрхийлж, дараах Хамтарсан мэдэгдлийг гаргав.

1. Бид, “Эрх чөлөө ба ардчилал, энх тайван, харилцан туслах” хэмээх үзэл санаа нь Монгол Улс, Япон Улсын найрсаг харилцааны үндэс суурь, үнэт зүйлс болж буйг нотлохын хамт, хоёр орны хөгжил болон ард иргэд хоорондын харилцааг улам бүр гүнзгийрүүлэхэд энэхүү хэлэлцээр чухал ач холбогдолтойг онцлон тэмдэглэж, эдийн засгийн хамтын ажиллагаагаар дамжуулан хоёр орны “Стратегийн түншлэл”- ийг бэхжүүлэхэд чухал хувь нэмэртэй болно гэдэгт санал нэгдэв.

2. Бид, энэхүү хэлэлцээр нь хоёр орны хөрөнгө оруулалт, үйлчилгээ, бараа бүтээгдэхүүний урсгал, цаашлаад иргэд хоорондын харилцан солилцоог нэмэгдүүлж, хувь хүн болон хувийн хэвшлийнхэнд бизнесээ тэлэх, хөрөнгө оруулалт хийх шинэ боломжийг бүрдүүлж, улмаар бие биенээ харилцан нөхсөн хоёр орны эдийн засгийн харилцааг шинэ шатанд гаргана гэдэгт санал нэгдэв.

3. Бид, Монгол Улсын хувьд анхны Эдийн засгийн түншлэлийн хэлэлцээр болох энэхүү хэлэлцээр нь бараа бүтээгдэхүүн, үйлчилгээний худалдаа, хөрөнгө оруулалт, худалдааг хөнгөвчлөх, оюуны өмч, өрсөлдөөн, бизнесийн орчинг сайжруулах зэрэг өргөн хүрээг хамарсан, өндөр түвшинд боловсруулагдсаныг онцлон тэмдэглэв.

4. Бид, хоёр улсын эдийн засгийн хамтын ажиллагааг улам бүр эрчимжүүлэхийн чухлыг онцолж, энэхүү хэлэлцээрийн хамтын ажиллагааны чиглэлийг тус Хамтарсан мэдэгдлийн хавсралтад тусгав.

5. Бид, энэхүү хэлэлцээр нь хоёр орны бүс нутаг болоод олон улсын тавцан дахь эдийн засгийн хамтын ажиллагааг гүнзгийрүүлж, улмаар Монгол Улс дэлхийн эдийн засгийн интеграцитай холбогдоход чухал ач холбогдолтой болно гэдэгт санал нэгдэв.

6. Бид, энэхүү хэлэлцээрийг аль болох богино хугацаанд хүчин төгөлдөр болгох чиглэлээр тус тусын хууль тогтоомжийн шаардлагыг биелүүлэх эрмэлзэлтэйгээ нотлов.  

Токио хот, 2015 оны 2 дугаар сарын 10-ны өдөр

Монгол Улсын Ерөнхий сайд

Япон Улсын Ерөнхий сайд

ЭДИЙН ЗАСГИЙН ТҮНШЛЭЛИЙН ТУХАЙ МОНГОЛ УЛС, ЯПОН УЛС ХООРОНДЫН ХЭЛЭЛЦЭЭРТ ГАРЫН ҮСЭГ ЗУРСАНТАЙ ХОЛБОГДУУЛАН ГАРГАСАН ХАМТАРСАН МЭДЭГДЭЛ

Ерөнхий сайд Г.Занданшатар Дорнын эдийн засгийн X чуулга уулзалтын өргөтгөсөн хуралдаанд үг хэллээ

Ерөнхий сайд Г.Занданшатар “Газпром” НХН-ийн Удирдах зөвлөлийн дарга А.Б.Миллерийг хүлээн авч уулзлаа

Монгол Улсын Ерөнхий сайд Г.Занданшатар ОХУ-ын Ерөнхийлөгч В.В.Путинд бараалхлаа

Ерөнхий сайд Г.Занданшатар Дорнын эдийн засгийн X чуулга уулзалтад оролцоно

Тариалалтын талбайн хэмжээг нэмэгдүүлэх хүсэлтийг Засгийн газар шуурхай хэлэлцэнэ

Алтанбулаг боомтыг шинэчилснээр өдөрт нэвтрэх зорчигчдын тоо гурав, ачаа тээврийн урсгал дөрөв дахин нэмэгдэх боломжтой боллоо

Орлогод нийцсэн орон сууцны хөтөлбөр хэрэгжүүлэхэд Дэлхийн банктай хамтран ажиллана

Жижиг, дунд бизнес эрхлэгчдийг дэмжиж, татварын ачааллыг бууруулна

ЭДИЙН ЗАСГИЙН ТҮНШЛЭЛИЙН ТУХАЙ МОНГОЛ УЛС, ЯПОН УЛС ХООРОНДЫН ХЭЛЭЛЦЭЭРТ ГАРЫН ҮСЭГ ЗУРСАНТАЙ ХОЛБОГДУУЛАН ГАРГАСАН ХАМТАРСАН МЭДЭГДЭЛ

Санал болгох Мэдээ