Орон нутгийн эмч, эмнэлгийн мэргэжилтнүүдийг дэлхийн өндөр хөгжилтэй орнуудын нотолгоонд суурилсан анагаах ухааны сүүлийн үеийн зөвлөмжийн дагуу анхан шатны нийгмийн эрүүл мэндийн тусламж, үйлчилгээний мэдлэг, чадварыг сайжруулах, тусламж үйлчилгээ үзүүлэх, эрүүл мэндийн сургалт сурталчилгаа, сургалтын арга зүйд суралцах, багаар ажиллах чадварыг эзэмшүүлэх зорилгоор ЭМСЯ, ЭМХТ хамтран “Нийгмийн эрүүл мэндийн баримжаа олгох, мэргэшүүлэх” сургалтыг Ховд аймагт энэ сарын 20-23-ны хооронд зохион байгууллаа.
Сургалтад Ховд аймгийн 16 сумын эрүүл мэндийн төвийн багийн бага эмч, сургуулийн эмч, НЭМА зэрэг нийт 80 гаруй мэргэжилтэн хамрагдав.
Сургалтын сургагч багшаар ЭМХТ-ийн Төгсөлтийн дараах сургалт, хяналт шинжилгээ үнэлгээ хариуцсан мэргэжилтэн Ц.Тунгалаг, АШУҮИС-ийн Нийгмийн эрүүл мэндийн сургуулийн багш доктор Д.Хишигтогтох нар ажилласан бөгөөд онол дадлагыг хослуулан үр дүнтэй удирдаж явууллаа.
