ЭМСЯ-аас 2014 онд 21 аймгийн нэгдсэн эмнэлэг, хоёрдугаар шатлалын эмнэлгүүдийг цахимжуулах болсны дагуу 2014 оны 06 дугаар сарын 01-ний өдрөөс “Hinfo 3” цахим бүртгэлийн программыг нэвтрүүлж байгаа. Харин Увс аймгийн нэгдсэн эмнэлэг цаг товлолт үйлчилгээг 2014 оны 11 дүгээр сарын 03-ны өдрөөс эхлэн хэрэгжүүлэн эхэллээ. Уг үйлчилгээг хэрэгжүүлснээр эмч нарын өрөөний үүдэнд үүсэх оочер болон хүлээгдлийг арилгаж байна. Мөн эмч нарын ажлын ачааллыг хянах боломжтой болсон байна.
Нэгдсэн эмнэлгийн лавлагаат үйлчилгээний хоёр, угтах үйлчилгээний нэг ажилтан ажиллаж, ард иргэдэд тусламж үзүүлэн сэтгэлд нийцсэн угтах үйлчилгээг үзүүлж байна. Мөн мэдээллийн технологийн дэвшлийг ашиглан салбар нэгж, кабинетууд болон үйлчлүүлэгч хоорондын лавлагаат мэдээллийн тогтолцоог хангах, эмнэлгийн тусламж үйлчилгээний чирэгдэлгүй шуурхай байдалд дэмжлэг үзүүлэх зорилготой.
Цахим бүртгэл нь үйлчлүүлэгчийн эмчид үзүүлэх, оношлуулах болон эмнэлэгт хэвтэх өдөр, цаг, минутыг товлон өгч мэдээллийн санд бүртгэдэг.
Цахим бүртгэлээс үйлчлүүлэгчдэд өгөх лавлах мэдээлэл нь дараах хэлбэртэй байна. Үүнд:
• Байгууллагын танилцуулга
• Тасаг, кабинетуудын өрөөний байрлал, цагийн хуваарь
• Эмнэлгийн тусламж үйлчилгээний нэр төрөл, хэрхэн хамрагдах талаарх зөвлөгөө, бүрдүүлэх материал
• Нарийн мэргэжлийн эмчийн болон оношилгооны кабинетуудын үзлэгийн товлолт цагийн хуваарь
• Эмнэлэгт хэвтэхэд шаардлагатай зааварчилгаа өгөх
• Онлайнаар авч болох мэдээлэл
Товлолт цагийг олгохдоо дараах үйлчлүүлэгчдийг онцгойлон хүндэлж, шуурхай үйлчилнэ.
• Биеийн байдал хүнд буюу яаралтай үзүүлэх үйлчлүүлэгч
• Нярай хүүхэд
• Жирэмсэн эмэгтэй
• Өндөр настан
• Хөгжлийн бэрхшээлтэй
Амбулатори нь 26 кабинеттэй, иргэдэд нарийн мэргэжлийн тусламж үйлчилгээ үзүүлж байна.
НАРИЙН МЭРГЭЖЛИЙН КАБИНЕТУУД: Дотор, зүрх судас, дотоод шүүрэл, чих хамар хоолой, нүд, шүд, хүүхэд, мэдрэл, сэтгэц, хавдар, арьс гоо засал, сэргээн засах эмчилгээ, гэмтэл, мэс засал, эмэгтэйчүүд, ахмад
ДҮРС ОНОШИЛГООНЫ КАБИНЕТУУД: Рентген оношилгоо, Компьюер томограф цээжний зураг авах (флюрограф), ходоод шулуун гэдэсний уян дуран, чанд авиан оношилгоо (ЭХО), зүрхий цахилгаан бичлэг (ЭКГ) Кабинетууд ард иргэдэд хүрч ажиллаж байна.
