2013 онд “БЗДХ\ХДХВ\ ДОХ-ын “Оюутан- Үе тэнгийн сургагч багш”-аар бэлтгэгдсэн залуучуудын үйл ажиллагааг эрчимжүүлэх, тэднээр дамжуулан оюутан залуучуудын БЗДХ\ХДХВ\ДОХ-оос сэргийлэх мэдлэг хандлагыг нэмэгдүүлэх, өвчлөлийг бууруулах зорилготойгоор Дархан-Уул аймгийн Эрүүл мэндийн газраас “Өсвөр үе залуучуудад эрүүл мэндийн тулгамдаж байгаа асуудлууд” зөвлөгөөнийг зохион байгууллаа.
Энэхүү зөвлөгөөнд Дархан-Уул аймгийн 5 их дээд сургуулийн 82 оюутан оролцож, залуус, өсвөр үеийн эрүүл мэндэд тулгамдаж буй БЗДХ, Осол гэмтэл, Сүрье зэрэг өвчний сүүлийн үеийн тоо баримт, сэргийлэх мэдлэг хандлага, заавал хэвшүүлэх дадал хэвшил сэдвээр мэдээлэл солилцов.
Их дээд сургуулийн оюутан залуучуудын оролцоотойгоор ДОХ/ХДХВ\БЗДХ-ын кабинет, Өсвөр үеийн эрүүл мэндийн клиник, Дархан-Залуус хөгжлийн төв, МГБССН-ийн Дархан салбар, Дархан Y PEER клуб зэрэг төрийн болон төрийн бус байгууллагууд нэгдэж, оюутан залуусын дунд эрүүл мэндэд тулгамдаж буй асуудал болон цаашид хамтран ажиллах төлөвлөгөөгөө багаар хэлэлцэж гаргалаа.
Зөвлөгөөний үр дүнд,
1. БЗДХ/ ДОХ-ын сургагч багшаар бэлтгэгдсэн залуучуудын үйл ажиллагааг эрчимжүүлэн, мэдээллээр тогтмол хангах,
2. Нэг зорилго чиглэлтэй ажилладаг ЭМГ- ДОХ/БЗДХ-ийн кабинет, Өсвөр үеийн эрүүл мэндийн клиник, Дархан-Залуус хөгжлийн төв, МГБССН-ийн Дархан салбар, Дархан Y PEER клубууд хамтран ажиллаж хамтын ажиллагаа сайжруулан мэдээллийг цаг алдахгүй хүргэн ажиллах,
3. Оюутан залуус нэгдэж, тэдний эрүүл мэндэд тулгамдаж буй асуудалд шийдвэрлэх гарц буйг олж харж үе тэнгийхэндээ сайнаар нөлөөлөх аргад суралцах зэрэг мэдээллийг авах , өгөх, хүргэх арга замаа тодорхойлох,
4. Цаашид хамтран ажиллах төлөвлөгөөгөө хэлэлцэж гаргасан зэрэг олон асуудлыг шийдвэрлэлээ.
