“Эх, хүүхдийн эрүүл мэндийг дэмжих жил”-ийн хүрээнд Хэнтий аймгийн Эрүүл мэндийн газар, ЭХЭМҮТ-ийн ЭБЭ-ийн клиниктэй хамтран “Жирэмсэн болон төрсний дараах тусламж, үйлчилгээний чанарыг сайжруулах нь” сэдэвт сургалтыг зохион байгууллаа.
Сургалтад аймгийн нэгдсэн эмнэлгийн эх барих, эмэгтэйчүүдийн эмч нар, эрүүл мэндийн анхан шатны тусламж үйлчилгээ үзүүлэгч сум, өрхийн эрүүл мэндийн төвийн их эмч зэрэг нийт 29 хүн хамрагдлаа.
Сургалтын нээлтийн үйл ажиллагаанд ЭХЭМҮТ-ийн ЭБЭ-ийн клиникийн зөвлөх, клиникийн профессор, МУ-ын хүний гавьяат эмч С.Хишгээ, АЗДТГ-ын НХХ-ийн эрүүл мэнд хариуцсан мэргэжилтэн Г.Баатарчулуун, ЭМГ-ын УМХ-ийн дарга Д.Наранмичид, Нэгдсэн эмнэлгийн ЭЭОДарга Ц.Амгаланбуяан, аймгийн ЭБЭ-ийн ерөнхий мэргэжилтэн Н.Ариунаа, ЭМГ-ын НҮЭМ хариуцсан мэргэжилтэн Б.Алтанцэцэг нар оролцлоо.
Сургалтаар эмч, эмнэлгийн ажилтан нэг бүрийн мэддэг жирэмсэн эмэгтэйд үзүүлэх тусламж, үйлчилгээ сайжирч, эхийн хүндрэл эндэгдлийг бууруулахад үр дүнгээ өгсөн 39 дүгээр тушаалыг ДЭМБ-ын удирдамжийн дагуу шинэчлэн боловсруулж, “Жирэмсэн болон төрсний дараах үед үзүүлэх тусламж, үйлчилгээний журам“-ыг 2014 оны 10 дугаар сарын 20-ны өдрийн 338 дугаар тушаалаар баталсныг танилцуулж, хэрхэн мөрдөх, хэрэгжүүлж ажиллах талаар зааварчилгаа өгөх явдал юм.
ЭХЭМҮТ-ийн зөвлөх эмч С.Хишгээ хоёр өдрийн сургалт хийхээс гадна аймгийн нэгдсэн эмнэлгийн төрөх тасаг, эмэгтэйчүүдийн ЭХО-ны кабинет, ЖЗӨК-д ажиллаж, эх барихын ноцтой хүндрэлийг хэлэлцэж, цаашид анхаарч ажиллах талаар мэргэжил арга зүйн зөвлөгөө өглөө.
