2014 оны 12 дугаар сарын 03-ны өдрийн 10.00 цагийн байдлаар:
МОНГОЛ УЛСАД:
Нийслэлийн хэмжээнд архины хордлогоор 144 хүн эрүүл мэндийн байгууллагад ханджээ
2014 оны 11 дүгээр сарын 25-наас 12 дугаар сарын 01-ний өдрийн хооронд Нийслэлийн дүүргүүдийн Эрүүл мэндийн нэгдэл болон Наркологи, Энэрэл эмнэлэгт нийт 144 хүн архины хордлогын улмаас хандсан байна.
Үүнээс 44 хүн хэвтэн эмчлүүлж, 1 хүн нас баржээ. Дүүргээр нь авч үзвэл хамгийн олон буюу СХД-т 35, Наркологийн эмнэлэгт 37 хүн тус тус хандсан байна.
Эх сурвалж: НЭМГ
ДЭЛХИЙ ДАХИНД:
Испани улсад Эбола вируст халдварын тархалт зогссоныг ДЭМБ-аас албан ёсоор зарлалаа
2014 оны 11 дүгээр сарын 23-ны өдрийг хүртэлх хугацаанд дэлхийн 9 улсад эбола вируст халдвараар 16001 хүн өвчилж, 5738 (36%) хүн нас барсан. 11 дүгээр сарын 18-ны өдрөөс хойш өвчний тохиолдол 584, нас баралт 230 хүнээр тус тус нэмэгджээ.
Өвчний дэгдэлт Гвинейд тогтворжиж, Либерит буурч харин Сьерра-Леон улсад өвчлөлийн тархалт эрчимтэй хэвээр байсаар байна. Сүүлийн долоо хоногт тус улс орнуудад 600 батлагдсан тохиолдол шинээр бүртгэгджээ.
Нийт 592 эрүүл мэндийн ажилтан өвчилж, 340(57%) хүн нас барсан бөгөөд өмнөх мэдээллээс хойш 8 шинэ тохиолдол, 11 нас баралтаар нэмэгджээ.
2014 оны 12 дугаар сарын 02-ны өдөр Испани улсад Эбола вируст халдварын тархалт зогссоныг ДЭМБ-аас албан ёсоор зарлалаа.
Эх сурвалж: ДЭМБ
Шуурхай удирдлагын төв