“Эрүүл мэндийн довтолгоо” арга хэмжээг хэрэгжүүлэн ажиллахаар Эрүүл мэндийн хөгжлийн төв, Хөвсгөл аймгийн Эрүүл мэндийн газартай хамтран ажиллаж, 2014 оны 05 дугаар сарын 16-ны өдрөөс эхлэн уг үйл ажиллагаа амжилттай хэрэгжиж байна.
Үүнд:
• Аймгийн Эрүүл мэндийн газар нь 23 сум, 5 өрхийн Эрүүл мэндийн байгууллагуудтай хамтран ажиллах гэрээ байгуулан санхүүжилтийг олгосноор тус байгууллагууд нь “Эрүүл мэндийн довтолгоо” арга хэмжээг орон нутагтаа хэрэгжүүлэн ажилласан.
• Мөрөн суманд үйл ажиллагаа явуулж буй 5 өрхийн эрүүл мэндийн төвийн “Эрүүл мэндийн довтолгоо” арга хэмжээг хэрэгжүүлэн ажиллах хамтын гэрээг Мөрөн сумын Засаг дарга, ЭМГ-ын даргатай байгуулсан.
• “Эрүүл мэндийн довтолгоо” арга хэмжээний хэрэгжүүлэх үйл ажиллагааны төлөвлөгөөг Эрүүл мэндийн газраас хянан чиглүүлсэн бөгөөд сумдын Засаг дарга эсвэл ИТХ-ын даргаар батлуулан хэрэгжүүлэн ажиллаж байна. Тариалан, Их-Уул, Бүрэнтогтох, Эрдэнэбулган зэрэг сумд ИТХ-аар хэлэлцүүлэн тогтоолоор батлуулан ажилласан байна.
• Аймгийн хэмжээнд төлөвлөсөн нэгдсэн төлөвлөгөөний хэрэгжилт 75.03 хувьтай хэрэгжсэн бөгөөд 23 сум, 5 өрхийн эрүүл мэндийн төвүүдэд хэрэгжилтийн дундаж хувь 84,2 хувьтай, санхүүгийн гүйцэтгэл 90.9 хувьтай хэрэгжсэн байна. “Эрүүл мэндийн довтолгоо” арга хэмжээг хэрэгжүүлэн ажилласны үр дүн нь үйл ажиллагаа эхлэхээс өмнө “Заавал хэвшүүлэх 21 дадал”-ын мэдлэгийн үнэлгээ 50.04 хувьтай байсан бол хэрэгжилтийн дараах үнэлгээгээр 69.7 хувьтай болж нийт 21 дадлын дундаж хувь 19.6 хувиар нэмэгдсэн байна.
• Аймгийн нэгдсэн эмнэлгийн 11 тасаг болон эхчүүдийн амрах байр зэрэг 12 нэгжид ахлах сувилагч нарыг хамруулан мэдээлэл өгч, хэрхэн ажиллах талаар арга зүйн зөвлөгөө өгөн 288 ширхэг орны номыг хуваарилан олгосон бөгөөд 21684 хүнд сурталчлан ажилласан байна.
“Заавал хэвшүүлэх 21 дадал” гарын авлага түгээлт:
• Сумдад 25220 ширхэг өрхийн ном, 329 ширхэг орны ном хуваарилагдсан ба ӨЭМТ-үүдэд 11515 ширхэг өрхийн ном тус тус хуваарилагдсан ба өрхийн ном түгээлт 23 сум, 5 ӨЭМТ-үүдэд 83,05%-тай түгээгдсэн ба номын ашиглалт 75%-тай байна.
Сурталчилгааны материал бэлтгэн сурталчилгаанд ашиглах:
• Сум, өрхийн ЭМБ-гууд “Заавал хэвшүүлэх 21 дадал”-ын мэдээлэл сурталчилгааг иргэдэд хүргэх зорилгоор хулдаасан, стикер, ханын самбар хэлбэрээр үзүүлэн самбарууд бэлтгэн ашиглаж байгаа ба сумдад явуулын хэлбэрээр ашиглах хөлтэй хулдаасан самбар хэвлүүлэн алслагдсан хөдөө багийн иргэдэд сурталчилгаанд ашигласан байна.
Мөн хүн олон цуглардаг газар, эмнэлгийн гадна талбай зэргээр байрлуулан сурталчлах зорилгоор 29 хулдаасан анонс хэвлүүлэн ашигласан. Нийт 282 ширхэг самбар хэвлүүлж, 14684 хүнд сурталчилан ажилласан байна.
• “Заавал хэвшүүлэх 21 дадал”-аар иргэдэд хүргэх зөвлөмж хэлбэрээр сурталчилгааны материалыг 758 төрлөөр 40444 ширхэг бэлтгэн зорилтот бүлэгт чиглэсэн сургалтуудаар болон олон нийтийн сурталчилгааны үйл ажиллагаа, бусад иргэдэд ашиглаж байна.
