Монгол
Улсад статистикийн байгууллага үүсч хөгжөөд 90 жил болж байна. Ойн баярыг
тохиолдуулан аймгийн Статистикийн хэлтсээс энэ байгууллагат ажиллаж байсан үе
үеийн ажилчид болон хамтран ажилладаг байгууллага, албан тушаалтнуудыг хүлээн
авч уулзаж байгаа бол ойн баярын дурсгал болгон Статистикийн нэрэмжит хөшөөг
аймгийн төв сааданд шинээр бий болголоо.
Монгол Улсын хувьд статистик нь өнө эртний уламжлалтай, эдийн засгийн ууган салбарын нэг юм. Хүннүгийн төрт улсаас эхлэн хүн, малаа тоолж, мод хэрчин тэмдэглэж байсан тухай болон 13 дугаар зуунд хүчирхэг төр улсыг байгуулсан монголчууд байлдан дагуулсан улс орныхоо хүн амыг тоолж, түүнд үндэслэн албан татвар ногдуулж байсан тухай түүхийн баримт бичгүүдэд тэмдэглэгдэн үлдсэн нь тэр үед бүртгэл, статистикийн тодорхой үр дүнг ашиглаж байсныг харуулж байна. Энэ байгууллага 90 насныхаа ойтой золгож байгаа юм. Өмнөговь аймгийн Статитистикийн хэлтсийн хувьд ч түүхэн хугацаанд ололт амжилтаар дүүрэн байсныг тодотгох хэрэгтэй юм.
Өмнөговь аймгийн Статистикийн хэлтэс нь Монгол Улсын статистикийн тухай хуулийнхаа дагуу аж ахуй нэгж байгууллага, өрхөөс үндсэн мэдээллээ цуглуулахаас гадна нийгмийн салбар бүрийн байгууллагуудаас мэдээллийг сар, улирал, жилийн давтамжтайгаар цуглуулж, боловсруулан, хэрэглэгчдэд хүргэдэг байна.