Өмнөговь аймгийн ЗДТГ-ын Цэргийн штабын 2014 оны сургалт,
бэлтгэлийн үндсэн арга хэмжээний төлөвлөгөөний дагуу Цэргийн дүйцүүлэх албаны
сургалт зохион байгуулагдаж байна. Говь гурван сайхан уулын ойролцоо хээрийн
байрлалд зохион байгуулагдаж байгаа сургалтын явцаас бид сурвалжиллаа.
Сургалтын хөтөлбөр, хичээлийн хуваарийг цэргийн сургалт бэлтгэлийн стандартын дагуу төлөвлөн сургалтын цагийгонол, дадлагын хэлбэрээр зохион байгуулж байна. Тухайлбал, “Бие бялдрын бэлтгэл”, “Батлан хамгаалах хууль тогтоомж, цэрэг эх оронч хүмүүжил”, “Жагсаалын бэлтгэл” хичээл, Үй олноор хөнөөх зэвсгээс хамгаалах болон эмнэлгийн анхны тусламж үзүүлэх бэлтгэл” хичээл, “Галын бэлтгэл” зэрэг хичээлүүд сургалтын хөтөлбөрт багтжээ.
Сургалтанд хамрагдагсдад цэргийн хэргийн мэдлэг, дадлагыг олгохын тулд хичээл бүрийн материаллаг хэрэгслийг хангаж, Зэвсэгт хүчний 167 дугаар ангиас сургалтын зэвсэглэл, химийн болон биеийн тамирын техник хэрэгслийг ашиглажээ. Сургалтаар онол, дадлагыг хослуулахын зэрэгцээ авхаалж самбаа сорьсон спортын уралдаан тэмцээнүүдийг зохион байгуулж байна. Ингэснээр дайчдад цэргийн анхан болон гүнзгийрүүлэх шатны мэдлэгийг богино хугацаанд олгоход үр дүнгээ өгсөн гэж зохион байгуулагчид хэлж байна.
Сургалтад хамрагдаж байгаа дайчид энд 14 хоног
сургалтанд хамрагдана. Хоёр жилийн хугацаанд нийт 30 хоногийн сургалтанд
хамрагдахаас бөгөөд үүнээс гадна хуулинд зааснаар тухайн сум орон нутагтаа 180
хоногийн хүмүүнлэгийн ажилд оролцох ёстой байдаг байна.