Өнгөрсөн долоо хоногт “Хүүхдийг
хүчирхийлэл, ахуйн болон зам тээврийн осол гэмтлээс сэргийлье” нээлттэй өдөрлөг
зохион байгууллаа. Энэ өдөрлөгт 300 гаруй насанд хүрэгчид, цэцэрлэгийн 250
гуруй хүүхдийг хамруулсан байна. Уг өдөрлөгийн арга хэмжээгээр мэдээллийн 8 өртөө
ажиллуулж эрсдэл үүсгэдэг эд зүйлсийг бодитоор тавьж, үзүүлэх сургалтаар
сурталчилгаа хийж, цэцэрлэгүүдийн хүүхэд, эцэг эхчүүдэд зааварчилгаа өгөх,
мэдээлэл сурталчилгааны материал түгээх ажлыг зохион байгууллаа.
Эцэг эхчүүд хүүхдээ хоёр нас хүртэл нь хамт байж хүүхдээ тээвэрлэхдээ зориулалтын суудал, даруулга хэрэглэж занших ёстойг албаныхан сануулж байна. Хүүхдийн өвчлөл, эндэгдэл нэмэгдэж байгаа энэ үед эцэг эхчүүдийн болод бусад бүх шатны хүмүүс хараа хяналтаа сайжруулах ёстойг эцэг эчхүүд ч хэлж байна.
2013 оны 1-р улиралд 0-5 хүртэлх насны хүүхдийн өвчлөл 2307 бүртгэгдэж үүнээс 9 хүүхэд нас барсан тоон мэдээ байна. 19 хүүхэд осол гэмтэлд өртөж, үүнээс 3 хүүхэд нас барсан бол энэ оны 1-р улиралтай харьцуулахад 0-5 хүртэлх насны хүүхдийн өвчлөл 3152 хүрч 13 эндэгдэл гарчээ.
2014 оныг ЭМЯ-наас Эх хүүхдийн эрүүл мэндийг дэмжих жил болгон зарласантай холбогдуулан 0-5 хүртэлх насны хүүхдийн осол гэмтлийн эндэгдлийн шалтгаан, түүнд нөлөөлж байгаа хүчин зүйлсийг бууруулах зорилгоор энэхүү өдөрлөгийг зохион байгуулжээ. Гол нь энэ ажилд албан байгууллага, ААН, иргэдийг хариуцлагыг нэмэгдүүлэх шаардлагатай байгааг албаныхан хэлж байна.
Аймгийн ЗДТГазраас хүүхдийн осол гэмтлийг бууруулахад салбар хоорондын хамтын ажиллагаа, ард иргэдийн оролцоог нэмэгдүүлэх ажлыг
эрчимжүүлэх зорилгоор 6 сарын аян зохион байгуулах шийдвэр гарсан. Энэ ажлын хүрээнд анхан
шатны болон нарийн мэргэжлийн эмч нарын мэдлэг чадварыг нэмэгдүүлэх, тусламж
үйлчилгээний хүртээмж чанарыг нэмэгдүүлэх сургалт уулзалтыг зохион байгуулж
төрөх, нярайн тасгийг иж бүрэн тоног төхөөрөмжөөр хангах зэрэг олон үйл ажиллагааг
зохион байгуулж байгаа юм байна.