Аймгийн Засаг дарга Н.Наранбаатар агентлагийн дарга нарын гүйцэтгэлийн төлөвлөгөөг баталж төрийн ажил үйлчилгээг сайжруулах тал дээр үүрэг чиглэл өглөө.
Уул уурхай, авто зам, дэд бүтэц бүтээн байгуулалтын ажлыг хамтран хийх, төрийн байгууллага бүр төсвийн сахилга бат, хариуцлагыг чанд сахих, "Иргэн төвтэй төрийн үйлчилгээний жил"-тэй холбогдуулан бүх шатны байгууллага шударга ёс, сахилга хариуцлагаа чангатгах, иргэдэд төрийн үйлчилгээг ёс зүйтэй, ил тод нээлттэй, шударга, авлигагүй, алагчлалгүй, тэгш хүртээмжтэй хүргэх, төрийн бодлого тогтвортой байдлыг хангаж, төрийн алба хаагчдыг тогтвор суурьшилтай ажиллуулах, чадварлаг бөгөөд ажлын туршлагатай алба хаагчдыг шатлан дээшлүүлэх, төрийн албаны уялдаа холбоог сайжруулах, цаг ашиглалт ажлын бүтээмжийг нэмэгдүүлэхийг онцгой анхааруулав.
#Хөдөө_аж_ахуй_үйлдвэржилтийн_жил_2019
#Соёлыг_дэмжих_жил_2019