Асуулт: Нийгмийн халамжийн тухай хуулиар энэ сарын 1-нээс эхлэн ихэр хүүхдүүдэд нэг удаа мөнгөн тэтгэмж олгохоор болсон. Өнөөгийн байдлаар хэдэн ихэр хүүхэд мөнгөө аваад байна вэ?
Хариулт: Энэ тоон үзүүлэлт судалгаа нь одоогоор хийгдэж байгаа. 6 дугаар сарын 10 дотор судалгаа маань 5 дугаар сарын 31-ны байдлаар гарна.
Асуулт: Манай улсад нийт хэдэн ихэр байдаг вэ?
Хариулт: 2012 оны 10 дугаар сарын байдлаар 2 ихэр хүүхэд 5147, 3 ихэр хүүхэд 75 нийт 5222 хүүхэд байна.
Асуулт: Хороодоос авсан ихэр хүүхдүүдийн тоонд тулгуурлан мөнгийг нь төсөвлөн өгч байгаа байх. Ээж, аавууд юу анхаарах хэрэгтэй вэ? Ямар бичиг баримт бүрдүүлэх үү?
Хариулт:
- Хоёр ба түүнээс дээш ихэр хүүхэд төрүүлж эсэн мэнд өсгөж байгаа өрх, иргэнд 1 удаа хүүхэд тус бүрт 1,0 сая төгрөг, 3 ба түүнээс дээш хүүхэд төрүүлж эсэн мэнд өсгөж байгаа өрх иргэнд 1 удаа хүүхэд тус бүрт 3,0 сая төгрөг тус тус олгоно. Засгийн газрын 2012 оны 136 дугаар тогтоолоор батлагдсан 2 ба түүнээс дээш ихэр хүүхэд төрүүлж эсэн мэнд өсгөж байгаа өрх, иргэнд амьжиргааг дэмжих мөнгөн тэтгэмжийг олгохдоо хуулийн шинэчилсэн найруулга хэрэгжиж эхэлсэн өдрөөс хойш буюу 2012 оны 7 дугаар сарын 1-ний өдөр, түүнээс хойш 4 нас хүрч байгаа 2 ба түүнээс дээш ихэр хүүхдэд олгох, Ингэхдээ хуучин хуулиар жилд 1 удаа олгосон тэтгэмжийг хасаж тооцохгүй.
- 2012 онд шинэчлэн найруулагдсан Нийгмийн халамжийн тухай хууль болон Засгийн газрын 185 дугаар тогтоол нь 2012 оны 7 дугаар сарын 1-ний өдрөөс эхлэн хүчин төгөлдөр хэрэгжиж эхэлсэн тул 2012 оны 7 дугаар сарын 1-ний өдрөөс хойш шинээр төрсөн эсхүл энэ үед 4 насанд хүрээгүй байсан ихэр хүүхэд нь Нийгмийн халамжийн тухай хуулийн 13.5.5-д заасан “Хоёр ба түүнээс дээш ихэр хүүхэд төрүүлж эсэн мэнд өсгөж байгаа өрх, иргэн ”-д олгох тэтгэмжид хамрагдах юм. Иймд энэхүү заалтыг үндэслэн дээрх тэтгэмжид хамруулана.
Бүрдүүлэх бичиг баримтын хувьд
- Маягтын дагуу өргөдөл
- Сум хорооны Засаг даргын тодорхойлолт
- 2 хувь цээж зураг
- Иргэний үнэмлэх, хуулбарын хамт
- 2 болон түүнээс дээш ихэр хүүхэд нь эсэн мэнд бойжиж байгаа тухай суманд бол сумын их эмч, хороонд бол өрхийн эмчийн тодорхойлолт
гэсэн бичиг баримтыг бүрдүүлэн холбогдох мэргэжилтэнд хандана.
Асуулт: Шинээр төрж байгаа ихэр хүүхдүүд автоматаар бичигдэн мөнгөө авах уу. Эсвэл төсөвт суусны дараа мөнгөө авах ёстой юу?
Хариулт: Төсөвт суусан байгаа.
Асуулт: Санхүүжилт саадгүй байгаа юу? Эхний ээлжинд тэдэн хүүхэд гэж ялгаж байгаа зүйл бий юу?
Хариулт: Ялгасан зүйл бол байхгүй байна. Санхүүжилт хэвтээ болсон учир тухайн сум дүүргийн санхүүжилт орсон л бол ямар ч саадгүй авч болно.