Монгол Улсын Ерөнхий сайд Ж.Эрдэнэбат Бүгд Найрамдах Социалист Вьетнам Улсын Ерөнхий сайд Нгуен Суан Фуктай ганцаарчилсан уулзалт хийлээ.
Уулзалтын эхэнд Вьетнам Улсын Ерөнхий сайд Нгуен Суан Фук Ерөнхий сайд Ж.Эрдэнэбатыг Ерөнхий сайдаар томилогдсонд нь баяр хүргээд, АСЕМ-ын уулзалтын бэлтгэл ажлыг хангасанд талархал илэрхийлэв. Мөн тэрээр Монгол Улсад өргөн бүрэлдэхүүнтэй айчлал хийж байгаагаа дурдаад боловсрол, соёл, эрүүл мэнд, хөдөө аж ахуй, эдийн засгийн салбарт түлхүү хамтрарч ажиллах сонирхолтой байгаагаа илэрхийллээ. Хоёр орны хувьд хамтарч ажиллаж байсан туршлагаа улам бэхжүүлж, өргөжүүлэх хүсэлтэй байна гэдгээ тодотгов.
Ерөнхий сайд Ж.Эрдэнэбат Вьетнам Улсын Ерөнхий сайд Нгуен Суан Фукийн тавьсан ажил хэрэгч саналыг хүлээн авахаа илэрхийлээд уламжлалт найрсаг харилцаагаа бэхжүүлж, хөгжүүлэхэд анхаарч ажиллахаа илэрхийлэв гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
