Хүүхэд бүрийг хөгжүүлэх үндэсний хэмжээнд хэрэгжүүлж буй суурь боловсролын сургалтын цөм хөтөлбөрийн сайн хичээл-үйл ажиллагааны ДҮҮРЭГ-НИЙСЛЭЛИЙН ЗӨВЛӨГӨӨН улсын тэргүүний 58-р сургууль дээр амжилттай зохион байгуулагдлаа.
Дүүргиийн суурь боловсролын багш нар бүсийн зөвлөгөөнөөс сонгогдсон 11 сайн хичээл, үйл ажиллагаа, хэлэлцүүлэг, сайн туршлагын 10 илтгэл хэлэлцэгдэж, арга зүйн зөвлөгөө авч улсын зөвлөгөөнд оролцох бэлтгэл хийгдлээ.
Зөвлөгөөнд оролцож хамтарч ажилласан бүрэлдэхүүнийг авч үзвэл, нийгмийн ухааны багцаар 25 багш, байгалийн ухааны багцаар 26 багш, дизайн технологийн багцаар 16 багш, сургалтыг дэмжих үйл ажиллагаагаар 35 багш, 12 захирал /төрийн бус сургуулийг төлөөлж Шинэ –Үе сургуулийн захирал, ардын багш Ү.Маам/ 13 сургалтын менежер, 6 нийгмийн ажилтан, төрийн бус сургуулийн 5 төлөөлөл, БСШУЯ-ны А.Баярбаатар ахлагчтай хэрэгжилтийн багаас 5, НБГ-аас сургалт арга зүйн албаны дарга Ц.Жаргалантуул дарга ахлах мэргэжилтэн Т.Сараннэмэх, мэргэжилтэн Б.Пүрэвжал, Боловсролын хүрээлэнгээс эрдэм шинжилгээний ажилтан Б.Оюунтуяа, БМДИ-ээс Н.Баттулга, Боловсролын хэлтсийн дарга /Д.Адъяасүрэн/ ахлах мэргэжилтэн /Л.Сосорбарам/, орон нутгийг төлөөлж Дүүргийн ИТХ-ын тэргүүлэгч Э. Ганбат, 16-р хорооны засаг дарга Л.Оюунчимэг, 6-9-р ангийн эцэг эхийн 12 төлөөлөл түүнчлэн Бага нуур дүүргийн 6 багш туршлага судлахаар ирж оролцсон болно.
Зөвлөгөөн дараах онцлогтой явагдлаа:
• Дүүргийн -Нийслэлийн зөвлөгөөн хамтарсан, олон нийтийн оролцоотой зөвлөгөөн болсон.
• Зөвлөгөөний сайн хичээл, үйл ажиллагааг олуулаа хамтарч бэлдсэн, дахин дахин сайжруулсан нь онол, арга зүйн өндөр түвшинд явагдсан гэх мэргэжлийн зөвлөхүүдээс өндрөөр үнэлэгдсэн.
• Суралцахуйн зорилго, зорилтыг хангасан, өвөрмөц дидактик шийдлүүд, багшийн ур чадвараас суралцах зүйл ихтэй байсныг багш нар онцолж байна.
• Хэлэлцүүлэгт зөвлөх багш, улсын ур чадварын уралдааны олон удаагийн аварга багш, дүүрэг, нийслэлийн сургагч багш, судлагдахуун ба сургалтыг дэмжих үйл ажиллагааг чиглүүлсэн сургуулийн захирал, сургалтын менежер, нийгмийн ажилтнууд болон багш нарын бүх насны төлөөлөл оролцож арга туршлагаа хуваалцсан.
• Сайн туршлагын илтгэлд сайн хичээл үйл ажиллагаагаар дамжуулан багш нарт тулгамдаж буй асуудыг олж илрүүлсэн, холбогдох судалгаа хийн, шийдвэрлэх арга замыг эрэлхийлсэн, арга туршлагаа хуваалцсан, мэргэжлийн багш нарын төдийгүй бодлого боловсруулагчдын түвшинд санал дэвшигдсэн 10 илтгэл хэлэлцэгдлээ.
• Хичээл, үйл ажиллагааны бичлэгээр дамжуулан нийт багш нарт түгээн дэлгэрүүлэх боломжтой болно.
• Алдаа- амжилт нь нэг гэж үзсэн тул сайн хичээл, үйл ажиллагааг хөтөлж удирдсан болон хамтарч бэлдсэн арга туршлагаа хуваалцсан нийт 66 багш, удирдах ажилтны ажил хөдөлмөрийг дүүрэг- нийслэлд үнэлэх БАТЛАМЖ гардууллаа.