Монгол Улсын Эрчим хүчний яам, БНСУ-ын Хёсунг корпорацийн
хооронд 2015 оны арванхоёрдугаар сарын 16-ны өдөр Харилцан ойлголцлын Санамж
бичиг байгуулж Эрчим хүчний яамыг төлөөлж, сайд
Д.Зоригт, Хёсунг корпорацийг төлөөлжЕрөнхийлөгч И Сан Үн нар гарын үсэг зурлаа.
Монгол Улсын Хөрөнгө оруулалтын газар, БНСУ-ын Хёсунг корпорациын хооронд хэлэлцэгдэж байгаа 220кВ-ын Өндөрхаан-Чойбалсангийн агаарын цахилгаан дамжуулах шугам ба дэд станцын төслийг амжилттай, хамтран гүйцэтгэх зорилгоор харилцан итгэлцлийн зарчим дээр үндэслэн энэ Санамж бичгийг байгуулж байгаа юм.
Хоёр улсын хоорондох эдийн засгийн хамтын ажиллагааг хөгжүүлэх хоёр талын харилцаа энэхүү Санамж бичгээр гүнзгийрэх ба Талууд уг төслийг хугацаанаас нь өмнө амжилттай, харилцан ашигтай гүйцэтгэхийн тулд бүхий л хүчин чармайлт тавьж ажиллана гэж энэ Санамж бичигт дурджээ.