Эрчим хүчний сайд Д.Зоригт Германы Эдийн засгийн яамны Төрийн нарийн бичгийн даргыг Маттиас Махни тэргүүтэй төлөөлөгчдийг өнөөдөр хүлээн авч уулзлаа
Уулзалтын эхэнд Эрчим хүчний сайд Д.Зоригт хоёр улсын хөгжлийн хамтын ажиллагааны шинэ түүх нь 23 жилийн өмнөөс эхтэй бөгөөд тэр дундаа эрчим хүчний салбарын хамтын ажиллагаа нь Монгол Улсын эдийн засгийн хөгжил, хоёр орны найрсаг харилцааг гүнзгийрүүлэхэд үнэтэй хувь нэмэр оруулсаар ирсэн юм гэж онцлон тэмдэглэлээ.
Тэрээр цааш нь “Монгол, Герман хоёр улсын хөгжлийн хамтын ажиллагааны хүрээнд эрчим хүчний салбарт Германы Эдийн засгийн хөгжлийн яам, Сэргээн босголтын зээлийн банкны зээл, тусламжийн хөрөнгөөр Дарханы дулааны цахилгаан станцын турбины шинэчлэлтийн төсөл, Улиастайн цахилгаан шугам сүлжээг шинэчлэх төсөл, Эрчим хүчний системийн үр ашгийг дээшлүүлэх гурван удаагийн төсөл, ДЦС-4 ТӨХК дээр хэрэгжиж буй эрчим хүчний үр ашиг төсөл гэх мэтийг хэрэгжүүлж байна. Энэ бүхэнд буцалтгүй тусламжаар 10,25 сая евро, хөнгөлөлттэй зээлээр 19,0 сая еврогийн хөрөнгө оруулалт хийгдэж байна. Хоёр улсын Засгийн газар хоорондын хэлэлцээрийн дагуу эрчим хүчний салбарт хэрэгжсэн зарим нэгэн төслүүдийн хэрэгжилтийг түргэтгэх талаар хоёр тал санаачлагатай ажиллах шаардлагатай байна гэв.
Цааш нь Монгол-Германы Засгийн газар хоорондын хөгжлийн бодлогын асуудлаарх хэлэлцээрт ХБНГУ-ын талаас Монгол Улсын Эрчим хүчний салбарт нийтдээ 40 орчим сая еврогийн хөнгөлөлттэй зээл олгох асуудлыг хэлэлцэн шийдвэрлэж, хэлэлцээрийн тэмдэглэлд гарын үсэг зурсан. Сүүлийн жилүүдэд хоёр орны хамтын ажиллагаа нь зээл тусламжид суурилсан хамтын ажиллагаанаас хоёр талын харилцан ашигтай, хөгжлийн шинэ түвшинд хүрч байгааг онцлон тэмдэглэхэд таатай байна. Дархан, Эрдэнэтийн дулааны станцын шинэчлэлт, Улаанбаатар-Мандал говийн өндөр хүчдэлийн цахилгаан дамжуулах агаарын шугамын ТЭЗҮ-ийн хөрөнгө оруулалтын төсөл гэх мэт төслүүдэдХБНГУ-ын талаас судалгааны ажлын дүгнэлтэд үндэслэн зээлийн дүнг нэмэгдүүлэх боломжтой тухайгаа илэрхийлсэн билээ. Дээрх хоёр төсөл нь Монгол Улсын эрчим хүчний салбарт чухал ач холбогдолтой төсөл тул уг төслүүдийг хэрэгжүүлэх талаар идэвхитэй хамтран ажиллахыг хүсье гэв. ХБНГУ-ынТуссен групптэй нүүрсэнээс байгалийн хий /Метан/ хий гаргах үйлдвэр барих талаар хамтран ажиллах Санамж бичгийг 2015.10.14-ны өдөр Хоёр орны эдийн засгийн хорооны V хуралдааны үеэр байгуулсанд баяртай байна. Энэхүү Санамж бичигт дурдсан ажлыг хэрэгжүүлсэнээр УБ хотын агаарын бохирдлыг багасгах ач холбогдолтой юм гэв.
Германы Эдийн засгийн яамны Төрийн нарийн бичгийн даргыг Маттиас Махни хэлэхдээ “Эрчим хчүний салбар бол 2 орны эдийн засгийн хамтын ажиллагааг хөгжүүлэх хамгийн боломжтой салбар юм. Эрчим хүчний салбар нь жил ирэх тусам байгаль экологид ээлтэй, хямд төсөр өртөгтэй үйлдвэрлэлийн зарчимд шилжин ажиллах боллоо. Манай улсаас сэргээгдэх эрчим хүчний салбарт идэвхитэй дэмжин ажиллана. Түүний зэрэгцээ эрчим хүчний хэмнэлт, үр ашгийг дээшлүүлэхэд хамтран ажиллана. Том мега төсөл ярьж цаг хугацаа алдахгүйгээр жижиг төслүүдээ урагшлуулах шаардлагатай байна. Энэ талаар хэд хэдэн төсөл хэрэгжихээр яригдаж байгааг ойрын хугацаанд хэрэгжүүлэхийн төлөө хамтарч ажиллая гэв.